Прыёмная выканкама
210010, г. Віцебск, вул. Гогаля, 6
e-mail: vitoblisp@vitebsk.by
Тэлефон: (+375-212) 42-57-57
Факс: (+375-212) 42-57-81
Віцебскі абласны выканаўчы камітэт

Гандаль

Сёння гандлёвая інфраструктура Віцебскай вобласці ўяўляе сабой больш за 700 тыс. кв. метраў гандлёвых плошчаў, 5,9 тыс. магазінаў, 64 гандлёвыя цэнтры, 57 рынкаў, 1739 аб'ектаў грамадскага харчавання на 95,1 тыс. месцаў.

У першым паўгоддзі 2017 года за кошт новага будаўніцтва, рэканструкцыі, аднаўлення працы ў галіне адкрыта 73 гандлёвых аб'екта гандлёвай плошчай 15 тыс. кв.м. і 39 аб'ектаў грамадскага харчавання на 897 месцаў.

Паводле аператыўных дадзеных, у галіне на 1 тысячу чалавек прыходзіцца 622 кв. м гандлёвых плошчаў і 40 месцаў у агульнадаступных аб'ектах грамадскага харчавання.

Па выніках першага паўгоддзя 2017 года насельніцтву рэалізавана тавараў на суму 2,0 млрд. рублёў, што ў супастаўных цэнах да адпаведнага перыяду мінулага года складае 100,3 %.

У аб'ектах гандлю і сэрвісу ўстаноўлена 15,9 тысяч плацежных тэрміналаў, якія дазваляюць выкарыстоўваць у разліках банкаўскія пластыкавыя карткі. Доля безнаяўных плацяжоў у агульным аб'ёме рознічнага тавараабароту склала 32,6 %.

У цяперашні час сітуацыя на спажывецкім рынку вобласці застаецца стабільнай. Таварныя рэсурсы сфарміраваны ў асноўным за кошт прадукцыі айчыннай вытворчасці.

За першае паўгоддзе 2017 года ў вобласці праведзена больш за 2 900 выстаў-продажаў, распродажаў і акцый па зніжэнні цаны тавараў, рэкламных мерапрыемстваў, кірмашоў "выхаднога дня". За кошт усіх запланаваных мерапрыемстваў дадатковы тавараабарот склаў 74 млн. рублёў.

Па выніках працы першага паўгоддзя 2017 года Віцебская вобласць заняла першае месца ў рэспубліцы па рэйтынгавай ацэнцы Міністэрства антыманапольнага рэгулявання і гандлю Рэспублікі Беларусь.