e-mail: oik@vitobl.by
Тэлефон: (+375-212) 48-11-55
Факс: (+375-212) 48-11-56
Коласаўскі тэатр прадставіць прэм'еру спектакля да юбілею заслужанай артысткі Беларусі Тамары Скварцовай
02.12.2016
Прэм'ера
спектакля "Матылёк... Матылёк..." па п'есе вядомага італьянскага
драматурга Альда Нікалаі адбудзецца 9 снежня ў Нацыянальным акадэмічным
драматычным тэатры імя Якуба Коласа ў Віцебску, паведамілі ў тэатры.
"П'еса "Матылёк... Матылёк..." шматразова ставілася ў беларускіх і расійскіх тэатрах, упрыгожваючы рэпертуар лепшых актрыс. Наша пастаноўка прымеркавана да юбілею заслужанай артысткі Беларусі Тамары Скварцовай. У якасці рэжысёра над спектаклем працуе мастацкі кіраўнік Коласаўскага тэатра, заслужаны дзеяч мастацтваў Беларусі, лаўрэат Дзяржаўнай прэміі Валерый Анісенка", - адзначылі ў тэатры. Спектакль аб ролі жонкі, маці і аб чалавечай адзіноце будзе сыграны ў тэатральнай гасцёўні" (былая камерная сцэна).
Тамара Скварцова сыграе Эду - немаладую, ужо адзінокую свецкую даму, якая лёгка пырхала па жыцці, а цяпер жыве ў свеце сваіх фантазій. Але вось аднойчы адбываецца падзея, якая прымусіць жанчыну ўспомніць усё яе мінулае.
Алёна Ціханава - БЕЛТА.
Падпісвайцеся на нас у Telegram