Віцебская філармонія завершыць сезон канцэртам з класікі і хітоў ХХ стагоддзя

Канцэрт "Летняя рапсодыя" адбудзецца ўвечары 7 чэрвеня ў фармаце опэн-эйр, што ўжо становіцца традыцыяй, і ў той жа час зноў здзівіць паклоннікаў творчасці калектыву філармоніі. У мінулым годзе асаблівасцю праграмы закрыцця стала сумеснае выступленне аркестра з вакалістамі. А на гэты раз опэн-эйр стане момантам сустрэчы папулярнай эстраднай і джазавай музыкі з класікай. Аркестр абяцае свайму слухачу цудоўны летні вечар, напоўнены лепшымі ўзорамі cinema music: прагучаць папулярныя і ўжо вечныя тэмы з кінафільмаў "Прафесіянал", "Мужчына і жанчына" і іншых. У праграме - лёгкі летні вальс і ў той жа час сапраўдныя хіты ХХ стагоддзя: Дж. Браўн "I feel good", Ф. Меркюры "We Are the Champions", The Beatles "Obladi oblada", Э. Марыконэ "Chi Mai". 

Кацярына Князева - БЕЛТА.