Прыёмная выканкама
210010, г. Віцебск, вул. Гогаля, 6
e-mail: vitoblisp@vitebsk.by
Тэлефон: (+375-212) 42-57-57
Факс: (+375-212) 42-57-81
1

Прамысловасць

Ключавая роля ў забеспячэнні развіцця эканомікі вобласці належыць  прамысловасці. Прадукцыя гэтай галіны забяспечвае ўстойлівае функцыянаванне іншых галін народнагаспадарчага комплексу краіны, задавальняе патрэбнасці насельніцтваў неабходных таварах і вызначае экспартны патэнцыял краіны.

Прамысловы комплекс Віцебскай вобласці ўключае каля 1,2 тысячы арганізацый, на якіх працуе больш за 111 тысяч чалавек. У вобласці вырабляецца 100 % рэспубліканскага аб’ёму мукі даламітавай, 99 % ільняных тканін, 98,4 % дываноў і дывановых вырабаў, 44,2 % абутку, 27,2 % ільновалакна, 19,1 % алею, 13,6 % мяса і субпрадуктаў харчовых, 11 % каўбасных вырабаў.

Пастаянна вядзецца работа па асваенні новых відаў прадукцыі. У 2015 годзе больш за палову прадукцыі, што рэалізуецца ААТ ”Аршанскі доследны механічны завод ”Металіст“, ААТ ”Завод ”Візас“, УП ”Палімерканструкцыя“, – інавацыйная. Гэта металічныя формы і ўстаноўкі, станкі металарэзныя з ЛПК (лікавым праграмным кіраваннем), водаачышчальнае абсталяванне.

Арганізацыямі вобласці праводзіцца работа, накіраваная на павышэнне канкурэнтаздольнасці і якасці выпускаемай прадукцыі. 

У мэтах павышэння эфектыўнасці работы прамысловымі прадпрыемствамі вобласці рэалізуюцца мерапрыемствы па тэхнічным перааснашчэнні і мадэрнізацыі вытворчасцей. Маштабныя праекты па тэхнічным пераўзбраенні ажыццяўляюцца  на ААТ ”Нафтан“РУВГП ”Аршанскі льнокамбінат“, прадпрыемствах камунальнай формы ўласнасці мяса-малочнай галіны, вядзецца рэканструкцыя футравага камбіната.

Сёння гандлёвая інфраструктура Віцебскай вобласці ўяўляе сабой 685 тыс. кв. м гандлёвых плошчаў, 7 тыс. магазінаў, 63 гандлёвыя цэнтры, 57 рынкаў, 1778 аб’ектаў грамадскага харчавання на 97,2 тыс. месц.