Паважаныя сябры!
Прыміце сардэчныя віншаванні з нагоды 25-годдзя газеты!
За чвэрць стагоддзя пройдзены этап станаўлення, значны перыяд у развіцці газеты, якая вырасла ў аўтарытэтнае выданне на інфармацыйнай прасторы Рэспублікі Беларусь і Віцебскай вобласці. Творчыя праекты і журналісты шмат разоў станавіліся пераможцамі ў рэспубліканскіх і абласных конкурсах сярод сродкаў масавай інфармацыі. Газета заваявала сапраўдную любоў і прызнанне шырокага кола чытачоў.
Камунальнае інфармацыйнае ўнітарнае прадпрыемства ”Рэдакцыя віцебскіх гарадскіх газет ”Віцьбічы“ і ”Вечерний Витебск“ заўсёды вылучае актуальная сацыяльна-эканамічная тэматыка, публіцыстычны падыход да асвятлення дзяржаўнай палітыкі, з’яў жыцця і грамадства, паважлівае стаўленне да чалавека, імкненне прыйсці яму на дапамогу.
У калектыве рэдакцыі нараджаюцца і рэалізуюцца смелыя творчыя ідэі, рэпарцёры газеты з гонарам нясуць высокае званне журналіста, застаюцца вернымі свайму прафесійнаму і грамадзянскаму абавязку. Газета вызначаецца пастаянным удасканаленнем зместу, трывалай зваротнай сувяззю з чытацкай аўдыторыяй, развівае сучасныя інфармацыйныя тэхналогіі ў журналісцкай рабоце.
Жадаем супрацоўнікам рэдакцыі і надалей крочыць у авангардзе часу, новых аўтарскіх знаходак, трывалага накладу, плённай працы на журналісцкай ніве. Моцнага вам здароўя, дабрабыту, шчасця, натхнення ў творчасці!
З павагай,
Генадзь Грэбнеў,
першы намеснік
старшыні Віцебскага абласнога выканаўчага камітэта.